無需老火煲太久 亦是湯中第一流|煲湯秘訣

更新日期:8月 18

要煲出上品靚湯,除左食材要好,對火候的掌控亦十分之重要。有好多客人都會問,「屋企煲湯咁即係要煲幾耐啊?」我地其實都唔知道,因為個個人屋企用的煲唔同,煲的湯又唔同。而我地可以話你知,就係煲湯並非愈久愈好,只需要讓所加食材的營養全部釋放出來即可。



圖:霸王花無花果蘿蔔湯

老火湯好味又有營養?


如果煲得太久,湯水會渾濁不清,同時亦會影響湯的營養價值:如湯煲超過兩小時,湯中部份的營養,例如維他命同氨基酸會被破壞。同理,如採用蔬菜類食材,記得於較後時間才放入煲內。所以一般而言老火湯味道層次豐厚,但營養價值可能已經隨時間而流失喔!


此外,食物中的鉀也易溶於水,若屋企有腎臟功能欠佳者就需要注意,湯水不好煲太久。

若怕湯味道不夠濃,可按需要加入蓮子、芡實、百合、紅棗、無花果等等健康配料唷!



妳想煮意為大家粗略整理了不同湯水的建議熬煮時間:

蔬菜湯:20~40分鐘

中藥湯:40分鐘

魚湯:30~45分鐘

雞湯、海鮮湯:1~1.5小時

牛骨湯、豬骨湯:1.5~2小時


* 緊記中式湯水由於每家湯料份量、火候等都不同,所以沒有一定的標準。最好的味道當然是來自媽媽的經驗*


如果你都有媽媽嘅味道嘅秘訣,都歡迎同我地分享喔~

妳想煮意是一間自負盈虧的社會企業,我們的住家餸盒採用優質食材每日新鮮製作,經洗切醃等處理,隨盒附上「煮婦溫馨提示」及煮食步驟,全程由一群家庭主婦主理,保證住家味道無添加。你只需簡單烹煮,便可快捷地準備晚餐與家人共享,同時以行動支持婦女就業。

1023 次瀏覽

​妳想煮意

電郵: contact@festyle.hk​​ 
電話: 5647 6260​​ 

​食物製造廠牌照號碼:2992807560

妳想煮意鳴謝以下機構及基金支持
 

© 2020 by Festyle